Ola familias, como sabedes á ANPA concedéronnos unha axuda para poder realizar actividades en materia de igualdade e unha das que decidimos facer foi un mural no pavillón do instituto que reflexara a pluralidade de deportes que se poden practicar sen facer diferenciacións entre mulleres e homes.
Para a realización deste mural contamos con Marc Taeger e a colaboración de todo o alumnado da ESO e Bacharelato, as e os docentes do centro e as familias que se quixeron achegar a botar unha man e colaborar neste proxecto.
Todo o alumnado participou dun xeito moi activo tanto realizando os primeiros bosquexos en aula en base o traballo que fixeron sobre diferentes mulleres referentes no mundo do deporte coma no elaboración do debuxo final na parede e no seu pintado.
Aquí vos deixamos algunhas das fotografías deste gran traballo que fixemos de xeito colaborativo.
Ola familias, o vindeiro 22 de novembro agardámosvos na Antiga Agraria para este obradoiro sobre redes socias.
OBRADOIRO SOBRE REDES SOCIAIS NA ADOLESCENCIA: coa chegada das novas tencnoxías chegaron tamén novas maneiras de comunicarse e de actuar por iso as familias precisamos formación sobre o uso axeitado e crítico das redes sociais, aplicación, internet e todas as novas tecnoloxías, especialmente na protección da privacidade e sobre os ciberdelitos (stalking, sexting, grooming, etc.), por iso, estas actividades tratarán á temática “redes sociais e xénero: realidades e actuacións”. Pretendemos que esta formación favoreza a sensibilización contra a cosificación do corpo das mulleres e contra a hipersexualización das nenas así como a identificar os ciberdelitos e saber como actuar contra eles.
Ola familias, o día 10 Pepe Cabido impartirá un obradoiro onde abordaremos a novas maneiras de entender a sexualidade e así poder avanzar a unhas relacións sexo-afectivas máis igualitarias.
A Xunta Directiva da ANPA do IES de Rodeira convoca a todas as familias asociadas a unha Asemblea Xeral Extraordinaria o vindeiro xoves 6 de novembro ás 20:00h (só dará comezo a esta hora se veñen o 100% das asociadas) en 1ª convocatoria e ás 20:30h en 2ª convocatoria(comezará coas asociadas que estén presentes).
A Xunta Directiva da ANPA do IES de Rodeira convoca a todas as familias asociadas a unha Asemblea Xeral Ordinaria o vindeiro xoves 6 de novembro ás 19:00h en 1ª convocatoria (só dará comezo a esta hora se veñen o 100% das asociadas) e ás 19:30h en 2ª convocatoria (comezará coas asociadas que estén presentes).
Ola familias, este ano á ANPA IES Rodeira solicitou, tal e como acordamos en Asemblea, unha axuda para poder realizar diversas actividades en materia de Igualdade co alumnado do instituto e as súas familias.
As actividades para as que solicitamos a axuda son as que consensuamos en Asemblea e aquí vos deixamos unha breve descrición de cada unha delas. Estade atentas as nosas redes para ver máis detalles de como as levamos a cabo.
PROGRAMA DE ACTIVIDADES EN MATERIA DE IGUALDADE DA ANPA IES RODEIRA
MURAL IGUALDADE NO DEPORTE: Con este mural queremos deixar plasmado para toda a comunidade educativa e en extensión para os habitantes do noso concello que no deporte tamén debe primar a igualdade.
ACTIVIDADE SOBRE IGUALDADE E MICROMACHISMOS: onde falaremos sobre as novas masculinidades para romper cos micromachismos e os comportamentos machistas adquiridos polos estereotipos perpetuados pola nosa sociedade aprendendo a educar a mirada tendo en conta que cada un mira a realidade dende a súa perspectiva, cada ollada é valiosa e nos achega a algo novo.
OBRADOIRO SOBRE SEXUALIDADE NA ADOLESCENCIA: a maneira de concebir a sexualidade mudou moito nos últimos anos e as familias demandan información para poder afrontar a sexualidade acorde os tempos das súas crianzas para isto levarase a cabo esta actividade onde as familias poderán obter as ferramentas necesarias que lles axude a acompañar as crianzas neste tema e saiban como ofrecer apoio, pautas de como actuar, e favorecer o vínculo seguro para que exista unha comunicación en confianza e favorecer o mellor desnvolvemento das crianzas.
OBRADOIRO SOBRE REDES SOCIAIS NA ADOLESCENCIA: coa chegada das novas tencnoxías chegaron tamén novas maneiras de comunicarse e de actuar por iso as familias precisamos formación sobre o uso axeitado e crítico das redes sociais, aplicación, internet e todas as novas tecnoloxías, especialmente na protección da privacidade e sobre os ciberdelitos (stalking, sexting, grooming, etc.), por iso, estas actividades tratarán á temática “redes sociais e xénero: realidades e actuacións”. Pretendemos que esta formación favoreza a sensibilización contra a cosificación do corpo das mulleres e contra a hipersexualización das nenas así como a identificar os ciberdelitos e saber como actuar contra eles.
